د.خالد احمد الحاج يرثي الهرم العظيم عبدالكريم الكابلي

افتقدناك وإنت عارف إنو مقرن النيلين حزين.
لا العبارات لا القوافي
لا المقالات يا رزين.
حتعرف الفرحة وتغني
ونحسب الأيام سنين.
واقد الشمعات محبة
وبرضو دراج من أنين.
الطعم ما فيهو سكر
لهفة الشوق والحنين.
تاني عز الليل بدونك
فيو بلاقى هوانا صد.
وزينة بس كيفن حتعجب والجزر جافاه مد.
لا زمان الناس هداوة
ومن ضنين ما بنرجى رد.
آسيا من أفريقيا رونق
وفي الشعر ليك ألف مقطع.
الصباح حزنانة شمسو ومابية لي خلق الله تطلع.
المشاتل فاقدة حنك والمزارع دايرة مشرع.
كيف نعض أعناب فراقك
وإنت عارف لو بنقنع.
د. خالد أحمد الحاج