زاوية خضراء.. داؤد ابوكلام داؤد: الحزب الشيوعي والحركة الإسلامية أخوان.؟

هذا السودان فيه ما فيه من العجائب والغرائب في شتئ المجالات في التاريخ والاقتصاد والاجتماع والسياسة ونشأت الأحزاب السياسية ودورها فيما يجري بالسودان الان. سواء كان في العهود الديمقراطية أو الانقلابات العسكريه أو الانتفاضات الشعبيه وما تلاها من مراحل انتقال سياسي. وإذا سألنا هل حواء السودان عقرت وصارت عاقرا لا تلد العباقره في المجال السياسي.؟؟؟. وهل خلاص توقف التاريخ هنا عند سعادة البرهان وحميدتي وحمدوك. !؟ ام هناك الكثير المثير الخطر في قادم الأيام. !؟ في ظل الظروف الراهنة وفي المعاناة التي وصلها الشعب السوداني في ظل تردئ الخدمات في شتئ المجالات؟؟؟؟. والتي ربما تحدث انفجار غير متوقع في أي لحظة من لحظات الوطن السودان الغالي!؟ . عموما سبب تدفق كل هذه الخواطر السياسية اليوم ١٩ مايو ٢٠٢١ وللرقم هذار أسرار وأسرار طبعا عندي انا شخصيا وليس عندكم.!؟ السبب هو مقال قرأته. كتبه الدكتور/عبد المعروف أحمد عبد المعروف وذكر فيه مشاركت القوي السياسية في نظام البشير ودور نواب الحزب الشيوعي في برلمان الإنقاذ وذكر كيف ارتضى الحزب الشيوعي السودان مشاركة الإسلاميين في الحكم من خلال أهم سلطات نظامهم السياسي وهي السلطة البرلمانيه عبر مرسوم جمهوري من قبل الرئيس عمر البشير وقتها في العام ٢٠٠٥.والتي انضم بموجبها أعضاء الشيوعي والحزب الاتحادي الديمقراطي علي مستويات مختلفه من حكم السودان(ناس اكاله ونكاره وما بتختشي). يا حليك يا عمر البشير كان قلبك ابيضا.. وهسي في سجن كوبر قاعد براااك.!؟. وشارك من الحزب الشيوعي كل من الاستاذ /سليمان حامد نائب الحزب الشيوعي. والراحله فاطمة أحمد إبراهيم ولا مش كده يا مولانا هارون وسعادة بكري حسن صالح شايف الشيوعيين طردوكم في ام درمان شارع ميدان الربيع يوم وفاتها هههههه ذي ما قالت سهير عبد الرحيم هي راجل كمان انتي يا فاطمة انت ارجل راجل؟؟. وشارك كذلك الاستاذ/صالح إبراهيم عثمان عضو اللجنة المركزيه وكذلك الاستاذ/فاروق ابوعيسي وسبق أن زرناه برفقه صلاح الدين كباشي شقيق سعادة الفريق/شمس الدين كباشي في شقته بالقاهره ١٩٩٢.وهو العضو السابق لللجنة المركزيه والقيادي التاريخي. بالحزب الشيوعي. اها رايكم شنوووووو انا قبيل قلت لكم. السودان فيه ما فيه من العجائب والغرائب ؟؟؟؟؟. طيب يا ابو داؤد يا ابوكلام متى رأيت اول مره شيوعي في حياتك أو سمعته به شخصيا نهارا جهارا. !؟ والله… والله..كان زمااان ونحن صغار في البلد بالكافير.. قالوا جدي عمران وهو والد خالي ادم عمران والد زوجتي أميرة. قالوا سافر عشان يفك ادم عمران متهم في المشاركة في انقلاب ١٩ يوليو١٩٧١. بتاع هاشم العطاء عم ياسر العطاء الهسي ده (بشحمه ولحمه). وخالي اصلا ما شيوعي بس كان في ماموريه من حلفاء الجديده الي كلوقي بمؤسسة جبال النوبة. ههههههاي طبعا امي ودتني حلفاء وانا صغير حضرته مولد زوجتي اميره واكلته سميتها..ومن يومها وقعنا في الحب.؟؟. معليش الليله زاويتنا ها تكون طويله شويه.. وصادف زيارة ادم عمران استفتاء رئاسة الجمهوريه للرئيس نميري. وهو كان في المشروع خارج مدينة كلوقي. ولم يسجل اسمه في سجل الاستفتاء . ويوم الانقلاب قالوا شافته كتائب مايو يهلل ويكبر الله أكبر… وتم فتح بلاغ وسجنه (٤) شهور.. ما تقول ليي وجدي صالح وكمان لجان المقاومة. دي عاده قديمه في السودان. وتنقل في سجون الرشاد والأبيض. حتي تم إطلاق صراحه؟؟ . طيب خالك طلع ما شيوعي. ورينا يا ابو داؤد تاني اول شيوعي قابلته افتكر. ونحن في مدرسة وادي سيدنا سنة ١٩٨٦. وقبلها كنا في مدرسة أم درمان الأميرية المتوسطة ونزلنا من الطابق الفوق. تحت لوادي سيدنا. نفس الحوش. بشارع الموده مدخل سوق ام درمان. وكان ذلك بعد انتفاضة أبريل ١٩٨٥.ويومها ظهر نشاط سياسي واسع في السودان. وتجنيد و استقطاب بعد ١٦ سنة من الجمود زمن نميري. خاصة أحزاب الشيوعي والبعث والناصري. وظهر في حي الهاشماب ناس المرحوم حاتم عبد المنعم وشقيقه هود ومحمود جمال.. وغيرهم. ونحن في استراحة الفطور علي النجيله الخضراء. جلس بجانبي زميلي طالب بالفصل اسمه زاهر..بعد مقدمات قال نحن الحزب الشيوعي قلت له . شنو.. شنو شنو..؟ قال لو ما عندك مانع نوديك موسكو بروسيا تدرس هناك. وطواالي بدون اي تردد قلت له تصدق في الدنيا دي جن وجن البرد. وموسكو بارده شديد ما ينفع معاي. وبأي بأي يا زاهر و للليله ما قابلته زاهر وغادره وادي سيدنا ذاتها.؟؟ . وتاني شيوعي قابلته في حياتي الكلام ده خلو سااااااكت ده الفيل ذاااتو.؟؟؟؟ وانا بحضر في الما جستير. بالمجلس الوطني سنة ٢٠٠٦.عن النخب التشريعيه الحاكمه واساليبها في توجيه الصحافة بالسودان. كان عندي استمارة استبيان. وأخترته. من كل لجنه بالبرلمان خمسه عضو. بالإضافة لبعض الأعضاء بالمجلس الوطني. الوقت داااك ياسر عرمان كان. رئيس لجنة الإعلام وكن راجل ياسر أنكر هسي يا اكال يا نكار ههههههاي. وكان بالصدفه مشيت كافتريا المجلس الوطني. وهي جميله وهادئه واكلها شهي.. والسمك قريب جاي من المورده. (جنني ساكن المورده). شايف ليك عمك هناك قاعد وظهره علي الحائط. سلمته عليه وقلت له انا طالب ما جستير دايرك تملأ لي هذه الاستمارة. قال لي حاضر..داير يطلب لي فطور قلت له فاطر جاب لي عصير باااارد شربته شوووت؟؟؟ بعد ملا الاستمارة وقال انا عمك / سليمان حامد. نائب الحزب الشيوعي السوداني. قلت الله أكبر ذي حقت خالي ديييك.!؟. . بس جوه جوه في قلبي؟؟ . وسألني عن اهلي وبعدها عن أحوال جبال النوبة عموما.. الشيوعيين دائما يحبون اللون الاسمر هذا رغم فكرهم الأحمر الصاااارخ.!؟ كان رجلا هادئا. يميل لون بشرته الي الخضره الدقاقه.. ما ذي صديق يوسف اسود شديد السواد. ذي الليل. واسنانه كأنها النجوم. لكم العتبي يا جماعة جريتكم شديد طيب يا ابوداؤد متي رأيت آخر شيوعي في حياتك والله قبل كم اسبوع كنت في الخرطوم لا قيت واحد ماسك موقع حساس ومهم للغايه.. بس سكران واقف لط ذي البط؟؟ .. والله عرفته السودان ده في خطر عظيم.انتهت. الزاوية بس داير اقول وده احساس مني ساكت. (إن المصائب تجمع المصابين.) والسياسة فن الممكن كما يقولون دائما والسودان الان وصل نقطة ومرحلت (بت الكلب). ولا استبعد إئتلاف الشيوعي والكيزان ضد قحت!؟. لو كانت مصلحة الشعب السوداني تقتضي ذلك. من أجل الشعب الجعان والتعبان والمحدد بالكرونا وقفل المدارس وكلهم عندهم سوابق في الانقلابات. والضرب تحت الحزام وخليكم جاهزين يا شعب واربطوا الحزام طائرتكم قااااايمه قااااامه والله يكضب الشينه..؟؟
المك/داؤد ابوكلام داؤد 19مايو ٢٠٢١.الاربعاء.