حزن الأهرامات .. على وراق

…
وانا في يوم من ايام الحرب اللعينه اللسه بتنهي فينا ماشي بالليل في شارع في امبده والحته مضلمه في زول لابس جلابيه وقاعد في الفرشه قدامه جك مويه عاينت ليهو إذا به هرم من اهرامات بلادي اعتصر وجهه الحزن علي بلادي، كان الرجل بكامل سحنته والقه السوداني الجميل شاعرنا التجاني حاج موسي جالسا امام بيت والدته المرحومه حاجه دار السلام قابلني بكل الحب وزارنتي في لحظه كل الاغنيات
وجاي تفتش الماضي الماضي خلاص الماضي ولي زمان…
امي الله يسلمك امي يادار السلام…
وصوت عرفه لما تخمج الدلوكه غنايه…
أقول أصبر على الهجران أقول أنســـــــــــــاك لا بدا أشوف بس طرفك النعسان تخوني القوة والشـــــــدة.؟…
واحشني يا الخليت ملامحك.. في حياتي… واحشني يا الرسيت مراسيك.. جوة ذاتي

أعذرينى لو عيوني.. غصب عني وقفوا في عيونك شويّه وسامحيني لو مشاعري فاتوا مني وغازولكي بحسن نيه….
يا وطن بالعزة حافل وافتخر بيك في المحافل وأزرعك ورد وسنابل يا وطن عارفك مناضل والبخونك يبقى هازل يبقى مكتول وأبقى كاتل وأنظّم الأفراح نشيد ما خلاص نادى المنادي. أتولد سودان جديد ..أتولد سودان جديد.

معزورين، ولو عارفين حكايتي معاهو تعزروني لأنو الماء سقا الياسمين ما بعرف غلاوة الند، ولا بعرف نداوة خد ولا بعرف كلام العين، ومعزورين أريتكم مرة مرة شفتوني، وبيني وبينو بس خطوات زي عابد وقّف بيأدي في صلوات وزي والد همس لي جناهو بي دعوات….

تباريح الهوى ده الجاني منك ومن تباريح الهوى، وصفو بصعب يا جميل وبعدت عنك، ولما طال بي النوى، بقى لى أسيبك مستحيل..
طفل يصرخ في البوادي دابو في سن الفطام طفل عز الليل ينادي يلا نديهو الطعام وقبلما نديهو لقمة نفتح الأحضان نضمو شان يحس طعم الأمان شان نعوضو فقد أمو وكل بيت نفتح لي بابو وكل واحد يبقى عمو
…..
السودان بلد جميل
كن بخير اينما كنت استاذي التجاني حاج موسي