اقلام.. ماهر النهري يكتب : يقولوا ليك هلك خائن .. تقول لازم تقيف ..
– ورينا تقيف كيف والدعامة المتمردين بيهاجموا في الجيش والقوات المساندة ..
– تقيف كيف والمتمردين بيواصلوا في حشودهم إستعدادا للتحرك لإسقاط مدن جديدة ..
– تقيف كيف والمتمردين يعدون العدة مع الاصرار الشديد لإسقاط الفاشر رمزية دارفور الكبرى ..
– تقيف كيف والمتمردين يمهلون أبناء الزغاوة في مدينة كأس ويطالبوهم بمغادرتها خلال ٧٢ ساعة ..
– تقيف كيف والدعامة داخل بيوت المواطنين والمستشفيات والاعيان الحكومية ..
– تقيف كيف والدعامة يواصلون ليل نهار في تدمير البنية التحتية من مياه وكهرباء ومستشفيات و وزارات بشكل ممنهج و بإحتراف و إعتراف ..
– تقيف كيف وحمدوك يواصل هوايته المفضلة في التنسيق بين الحلو والدعامة الدقلاويين لإسقاط مدن أخرى ..
– تقيف كيف وبريطانيا وفرنسا وألمانيا وإسرائيل يأمرون أمارات إبن زايد وحفتر ليبيا بتوفير العتاد اللوجستي من أسلحة وذخائر وإرسالها للمتمردين الدعامة ليقتلوا بها الشعب السوداني ..
– تقيف كيف ودول الاستكبار والهيمنة الغربية تغازل قادة ” تقزم ” وتمنيهم بتفكيك الجيش السوداني وتلك أمانيهم جميعا وأن يكون ذلك بإشرافهم قحاته ودول ..
– تقيف كيف وعثمان حامد ( عمليات ) صنم العمالة والخيانة يتلقى تعليماته من ذيل إسرائيل أنور قرقاش وخائن بلاده دحلان ويطالباه بإسقاط دارفور وتشكيل حكومته وبعد إكتمال ترتيباته الهجوم على باقي السودان ..
– تقيف كيف وأنت وانا وغيرنا يسمع ويقراء فظائع الجنجويد تجاه الشعب السوداني الاعزل ..
– تقيف كيف والدقلاويين بيقاتلوا بواجهة مرتزقة من جميع دول الجوار ..
– تقيف كيف والواجهات الدولية و الاقليمية والافريقية تدير ظهرها عن الشعب السوداني وتغازل الجنجويد وتطالبهم بالمزيد ..
– تقيف كيف والاجهزة الامنية والاستخبارات تلقي القبض يوميا على العشرات من المتعاونين والمرشدين والمصادر المصنفين بالطابور الخامس ..
– تقيف كيف ؟.. وتقيف كيف ؟ .. لا .. لم تقيف .. ولن تقيف .. حتى يهلكوا مع طابورهم الخامس أو نستشهد بشرف مع أهل الشرف .
