زاوية خضراء .. بقلم: داؤد ابوكلام داؤد : الكباشي وتماسيح النيل الأبيض

لم اكتب عن سعادة/ شمس الدين كباشي نائب القائد القام وعضو مجلس السيادة الا مرة واحدة العام الماضي في ذات شهر فبراير عندما زار كادقلي والدلنج وكان الجو متوترا جدا وتداعيات افنجار الوضع بائنة بين القوات المسلحة والدعم السريع (الابن العاق للقوات المسلحة). وتكلم الكباشي كلاما واضحا وقال لابديل للجيش الا الجيش!!؟؟ انها رؤية القائد الاستراتيجي والوطني الغيور . وفي هذا الصدد انا كتبت زاوية خضراء بعنوان (الكباشي وصدي الزيارة). ولو تناولنا الكباشي بعيدا من جبال النوبا نعم هو بن الجبال الشامخ الراسخ الثابت كثبات الجبال. ودفع كثير من أبناء جبال النوبا أرواحهم شهداء من أجل السودان مجرد ما تعرف مليشيا الدعم السريع بأنهم من جبال النوبا وقد تحملوا كل الالفاظ والشتائم العنصرية بصبر وجلد !!؟؟ .ولكن الكباشي مثله ومثل أي سوداني دخل الكلية الحربية عرين الرجال برغبته و بقدراته وتدرج فيها حسب مناهج القوات المسلحة حتي وصل هذة الرتبة الرفيعة في الجيش السوداني وصار قائدا فزا يشار اليه بالبنان ونائبا للقائد العام لقوات الشعب السوداني .وظلت (قحت) ومن لف لفهم ينعتون الكباشي بنعوت العنصرية يعف القلم عن كتبتها (والكباشي اصل السودان والعارف عزو مستريح ).فلتنبح الكلاب الحزبية والسياسية الضالة.؟؟و الكباشي جمل الشيل نجم من نجوم قوات الشعب المسلحة الباسلة عنوان عزنا وفخرنا وهو مثله مثل العلم السوداني الذي يرفرف علي سارية القصر الجمهوري. الكباشي ازرق طويل الباع يا الجدك المانجيل(مانج شل اي المك بن المك بلغتنا النوبية ). وتعني(برجل وكجير وشل وكرتو كن ياناس كردفال).وكباشي اسمر جميل فتان ولما يظهر كده وهو لابس الكاكي(قلوب البنات بتسوي تك ..تك ..تك. ههههه ). (طبعا ثلج جامد سامعكم سامعكم ) خلاص نرجع لسعادة/ الكباشي مؤخرا في كلامه مع قواته في اللواء (١٨). بكوستي تمسايح النيل الأبيض في شهر فبراير ٢٠٢٤. قال ناس ما عندهم وش عاملين حواضن سياسية لقوات التمرد طبعا المقصود هنا ناس زعيط ومعيط (قحت عليها لعنت اهل السودان ). وقال الكباشي السودان ده حق الناس كلهم وسبق وان قلت الكلام ده في كادقلي قبل عام في ذات شهر فبراير وقال اتفاق اطاري جديد مافي تاني. ومافي زول عندو قلم احمر عشان يصحح للناس كل الناس سواسيه في السودان (الكلام ده الظاهر واضح ياسوس يا قحت يا نخار في جسد السودان خلي بالكم يا عملاء و يا دول الشر ).والكباشي قال البندقية دي نحن رافعنها فوووق. وها نقاتل حتي نصل لاتفاق.؟؟ نعم للسلام والسلام هو الأصل.؟؟ لكن لاسلام مع اصحاب الشنط اللافين من دولة لدولة.؟؟؟ لو دايرين تفاوض يطلعوا من بيوت الناس يمشوا يتلموا علي المعسرات .شروطنا واضحة وهناك مطلوبات اساسية جاءت في اعلان(جدة بالسعودية) قبل تسعة شهور وقال البعملوا فيه ده كلوا (احلام زلوط).يا سعادة الكباشي كده (جني) السودان بموووت (اعمل لهم عملية قيصرية عاجلة ) الكباشي قال ما في تاني اتفاق الا يجو بشروطنا نحن وقال نحن مستمرين في القتال وقال الملف العسكري هو بداية الملف السياسي كلام غير كده مافي والنصر قريب. (لابد من صنعاء ولو طال السفر ). برااااحة يا سعادة الكباشي اهلك النوبا ديل باقي ناس اعاجكم لايفهموم هذة اللغة العربية الرفيعة ههههه. (يالكباشي كن ترضي عليك الله خليهم يجو انشاء الله ود بندة في شمال كردفان زولا سرب سربه خلي الجبال غربه ادوني لي شربه خلوني نقص دربه) كباشي قال داير تحكم الشعب تعال جوه السودان. تخاف من الشعب لأنك ماعندك وش لن يحكم البلد دي تاني زول بالباطل؟؟؟؟ (بالواضح الما فاضح ديمقراطية وانتخابات حرة ونزيهة ). الكباشي قال لن يحكمنا المرتزقه والأجانب كلهم متآمرين علي البلد ومعهم ظهيرهم السياسي والعسكري (شتات الاعراب والدول بمليشيا الدعم السريع ) وأكد الكباشي لتماسيح النيل الأبيض بأن النصر قريب وقال إن الشعب السوداني لن ينكسر ولن تنكسر ارادته !!! والحق ابلج ونحن لسنا علي باطل وبشائر النصر بائنه والقتال معنويات؟؟؟. ومعنوبات الجيش والشعب فوووووق وأكد ان الأهداف والمبادي سبب القتال بشراسة ضد هذة المليشيات المتمردة . وأكد الكباشي لتماسيح النيل الأبيض عودته القريبة للاحتفال بالنصر النهائي حتي يتم تعمير السودان بلد الموارد الكبيرة وهو سبب التآمر والعدوان الدولي وقد نقل تحيات القائد العام البرهان لتماسيح النيل الأبيض شاكراً كل القوات المختلفة بكل مسمياتها من أمن وشرطة ومستنفرين وغيرهم وقال إن والي النيل الأبيض ذاتوا تمساح كبييير.؟؟ (طبعا الكباشي قصدو تمساح النيل الابيض الفتاك.؟؟ ما تمساح الحرامية والشفسفة الفي راسكم داااك جنكم شمارااات. سلااااام عليك يا الكباشي يازراع البوره والوطا الممطوره.

المك/داؤد ابوكلام داؤد. مدير عيون التلال الاعلامي.